Azərbaycan boksçusu Nicat Hüseynov İtaliyanın Busto Arsizio şəhərində 1-ci Dünya Olimpiya Təsnifat Turnirində növbəti görüşünü keçirib.

Sportfm.az xəbər verir ki, 51 kq çəkidə mübarizə aparan ikiqat Avropa çempionu ermənistanlı Rudolf Qarboyanla döyüşüb.

1/8 final mərhələsində baş tutan qarşılaşma boksçumuzun inamlı qələbəsi ilə yekunlaşıb. Hər 3 raundu xeyrinə bitirən Hüseynov yekunda 5:0 (30:26, 29:27, 30:26, 30:26, 30:26) hesabı ilə qalib gəlib.

Nicatı Paris-2024 Yay Olimpiya Oyunlarına lisenziyadan cəmi bir addım ayırır. Ona Fransa paytaxtına vəsiqə üçün martın 11-də keçiriləcək 1/4 final döyüşündə qələbə kifayət edəcək.

Hüseynov Qarboyanı ardıcıl ikinci dəfə məğlub edib. O, ötən ilin nöyabrında U-22-lərin Avropa çempionatının finalında da erməni boksçuya qalib gəlmişdi.

Oxşar xəbərlər

Boksçumuz 1/4 finalda - Lisenziya turniri

Boksçumuz Yay Olimpiya Oyunlarına lisenziya qazandı

Azərbaycan boksçusu qələbə ilə başladı - Dünya Olimpiya Təsnifat Turniri

Hüseynov lisenziya turnirinə qələbə ilə başladı

Boksçumuz ermənini məğlub edib Avropa çempionu oldu