İtaliyanın Busto Arsizio şəhərində boks üzrə Dünya Olimpiya Təsnifat Turnirinə start verilib.

Sportfm.az xəbər verir ki, yarışın ilk günündə Azərbaycan millisinin üzvü Nicat Hüseynov (51 kq) mübarizəyə qoşulub.

İkiqat Avropa çempionumuz 1/32 final çərçivəsində Deepak Deepakı (Hindistan) sınağa çəkib. Hüseynov gərgin keçən döyüşdə son dünya çempionatının bürünc medalçısını 3:2 (29:28, 28:29, 29:28, 27:30, 29:28) hesabı ilə məğlub edib.

Boksçumuz ikinci görüşündə ilk mərhələdən azad olan Sahil Alahverdovi (Gürcüstan) ilə üz-üzə gələcək. Döyüş martın 6-da baş tutacaq.

Qeyd edək ki, turnirin ikinci günündə Azərbaycan millisinin daha 2 boksçusu rinqə çıxacaq.

Oxşar xəbərlər

Boksçumuz lisenziya turnirinə qələbə ilə başladı

Boksçumuz Yay Olimpiya Oyunlarına lisenziya qazandı

Boksçumuz vyetnamlını məğlub etdi

Daha 2 boksçumuz mərhələ adladı

Boksçularımız Olimpiya Təsnifat Turnirindəki rəqibləri bilindi