Azərbaycan boksçusu Tayfur Əliyev İtaliyanın Busto Arsizio şəhərində keçirilən 1-ci Dünya Olimpiya Təsnifat Turnirinə qələbə ilə başlayıb.

Sportfm.az xəbər verir ki, 63,5 kq çəkidə rinqə çıxan Avropa Oyunlarının mükafatçısı 1/32 finalda Matias Amaya Lusianonu (Argentina) mübarizədən kənarlaşdırıb.

Əliyev rəqibinə 3:2 (29:28, 28:29, 30:27, 30:27, 28:29) hesabı ilə qalib gəlib. Boksçumuz növbəti döyüşündə yaponiyalı Şion Nişiyama ilə döyüşəcək. Görüş martın 7-də baş tutacaq.

Əliyevə qədər Nicat Hüseynov (51 kq), Ümid Rüstəmov (57 kq) və Zeynəb Rəhimova (54 kq) da 1/16 finala yüksəliblər.

Azərbaycan yığması yarışa 9 boksçu ilə yollanıb.

Oxşar xəbərlər

Boksçumuz 1/4 finalda - Lisenziya turniri

Boksçumuz vyetnamlını məğlub etdi

Daha 2 boksçumuz mərhələ adladı

Hüseynov lisenziya turnirinə qələbə ilə başladı

Boksçularımız 1/4 finalda - Avropa kuboku