“Təəssüflər olsun ki, UEFA-dan hər iki liqa ilə bağlı müəyyən siqnallar almışıq”.

Sportfm.az xəbər verir ki, bu sözləri “Azərtac” dövlət agentliyinə müsahibəsində AFFA-nın baş katibi Sərxan Hacıyev I və II Liqada danışılmış oyunların olması ilə bağlı yayılan məlumatlara münasibət bildirərkən deyib.

Onun sözlərinə görə, bu cür məsələlər aidiyyəti qurumlar tərəfindən ciddi nəzarətə götürülüb: “Güc strukturları ilə araşdırmalara başlamışıq. Sadəcə, konfidensiallığı nəzərə alaraq, komandaların adlarını və konkret hansı oyunların şübhəli olduğunu açıqlaya bilmirik. Hər xırda siqnal çox ciddi araşdırılır. Bu yola əl atan insanlara müraciətimiz odur ki, belə əməllərdən çəkinsinlər. Çünki sonda günahı sübuta yetirilənlər cəzasız qalmayacaqlar. Onlar üçün ən yüngül sanksiya futboldan ömürlük uzaqlaşdırılma olacaq”.

Oxşar xəbərlər

Fəhmin Muradbəyli ömürlük futboldan uzaqlaşdırıldı - Qərar

“Karvan”a danışılmış oyunlarla bağlı seminar keçirildi

“Mingəçevir”ə danışılmış oyunlarla bağlı seminar keçirildi

UEFA nümayəndəsi danışılmış oyunlarla bağlı seminar keçirdi

Danışılmış oyunlarla bağlı görüş keçirildi