"Qarabağ"ın baş məşqçisi Qurban Qurbanov Azərbaycan kubokunun 1/8 finalında MOİK-ə qarşı Xankəndi şəhər stadionunda keçirəcəkləri matç haqqında danışıb.
Sportfm.az xəbər verir ki, mütəxəssis "İctimai TV"yə açıqlamasında görüşün Xankəndidə oynanılacağı üçün qürurlu olduqlarını bildirib:

"Öz yerli kubok oyunumuzdur, amma böyük qürur hissi və sevgi ilə Xankəndiyə gedirik. Məncə, oyun zamanı daha qürurlu olacağıq. Matçı gözləyirik. Çox şadıq. Bir daha Azərbaycan Ordusuna, əsgərlərimizə, ölkə Prezidentinə təşəkkür edirəm ki, o torpaqların hamısını geri qaytardılar. Biz də böyük qürur hissi ilə oraya yollanırıq".
Qeyd edək ki, Azərbaycan kubokunun 1/8 final mərhələsinin "Qarabağ" - MOİK matçı dekabrın 21-i, saat 14:00-da Xankəndi stadionunda başlayacaq.

Oxşar xəbərlər

“Çox çətin oyun gözləyirik" - Qurban Qurbanov

“Şəhidlərimizin qəhrəmanlığı sayəsində buradayıq” - Qurban Qurbanov

"Qarabağ" - MOİK oyununun hakimləri - Azərbaycan Kuboku

“Qarabağ” Xankəndidə MOİK-lə qarşılaşacaq - Azərbaycan Kuboku

"Qarabağ" Xankəndi stadionunda meydana çıxacaq - tarixi məlumdur