Ukraynanın Gənclər və İdman Nazirliyi FİFA və UEFA-nı 17 yaşadək futbolçulardan ibarət Rusiya yığmasının beynəlxalq turnirlərə buraxılması qərarını ləğv etməyə çağırıb.
Sportfm.az xəbər verir ki, Ukrayna İdman Nazirliyi, həmçinin UEFA-ya üzv olan bütün assosiasiyalara Rusiya millisinin iştirakı ilə keçiriləcək istənilən oyun və turnirlərin boykotuna qoşulmaq xahişi ilə müraciət edib.

Sentyabrın 26-da UEFA İcraiyyə Komitəsi 17 yaşdan aşağı futbolçuları olan Rusiya milli komandalarına öz himayəsi altında yarışmağa icazə verib. Qərar həm kişi, həm də qadın komandalarına şamil edilir. Bundan sonra Ukrayna, İngiltərə, Polşa, Latviya, İsveç, Danimarka, Norveç, Litva, Finlandiya və Rumıniya Rusiyanın gənclərdən ibarət komandalarının iştirakı ilə keçirilən yarışlarda iştirakdan imtina edib. Bununla belə, “Sky News”-un məlumatına görə, UEFA Rusiya milliləri ilə oynamaqdan imtina edən ölkələri sakitləşdirməyə çalışır.

Rusiya klubları və milli futbol komandaları 2022-ci ilin fevralından FİFA ilə UEFA-nın himayəsi altında keçirilən turnirlərdə iştirakdan kənarlaşdırılıb. Buna səbəb Rusiyanın Ukraynaya təcavüzkar hücumudur.

Oxşar xəbərlər

Rusiya beynəlxalq yarışlarda iştirak etməyəcək - İcazə qərarı ləğv edildi

Ruslar yenidən qayıdır - Nələr olacaq?

Bu ölkələr Rusiya ilə oyunları boykot etdi

Ukrayna Futbol Federasiyası UEFA-ya etiraz etdi - Rusiyalı hakimə görə

CAS-dan açıqlama - Rusiya klublarının UEFA turnirlərində iştirakı ilə bağlı