UEFA-nın Rusiyanın aşağı yaş qrupları üzrə milli komandalarının beynəlxalq yarışlara buraxılması haqda qərarı Polşa, Latviya və İsveç Futbol federasiyalarının etirazına səbəb olub.
Sportfm.az xəbər verir ki, Latviya Futbol Federasiyası bəyan edib ki, oyunun keçirildiyi yerdən və onların təqdimat formasından asılı olmayaraq rusiya millilərinin iştirak edəcəyi turnirə qatılmayacaqlar.

Polşa Futbol Federasiyasının prezidenti Sezari Kuleşa sosial şəbəkə hesabında bu barədə yazıb: “UEFA İcraiyyə Komitəsinin dünənki bəyanatı məni təəccübləndirdi. Rusiya yığmalarına yarışlarda iştiraka icazə verilsə, bizim komandalar onlarla oynamayacaq. Bu, yeganə düzgün qərardır”.

İsveç Futbol Federasiyasının prezidenti Fredrik Raynfeldt isə yerli mətbuata açıqlamasında bildirib: "Biz rusiyalı futbolçularla heç bir yarışda iştirak etmək niyyətində deyilik. Rusiya komandalarına qarşı mübarizə aparmaq fikrində olmadığımızı bəyan etmişik və bildirməkdə də davam edirik".

Xatırladaq ki, UEFA ötən gün Rusiyanın aşağı yaş qrupları üzrə milli komandalarının neytral statusda - himn və bayraqsız beynəlxalq turnirlərdə iştirakına icazə verildiyini açıqlayıb. UEFA-nın bəyanatında bu qərar belə izah olunub ki, uşaqlar böyüklərin törətdiyi hərəkətlərə görə məsuliyyət daşımamalıdır. Qərar Rusiyanın U-17 millisi də daxil olmaqla bütün aşağı yaş qruplarına şamil olunur

Oxşar xəbərlər

Rusiya beynəlxalq yarışlarda iştirak etməyəcək - İcazə qərarı ləğv edildi

Ukrayna rusları yaşıl meydanda görmək istəmir

Ruslar yenidən qayıdır - Nələr olacaq?

Ukrayna Rusiyanın FIFA və UEFA-dan çıxarılmasını tələb etdi

"Rusiyanın komandaları tezliklə beynəlxalq arenada oynaya biləcəklər” - UEFA rəsmisi