İdman Arbitraj Məhkəməsi (CAS) Rusiya klublarının UEFA turnirlərində iştirakdan kənarlaşdırılmasını diskriminasiya hesab etmir.

Sportfm.az xəbər verir ki, bu haqda CAS-dan bildirilib.

“Komissiya hesab edir ki, UEFA-nın üzləşdiyi fövqəladə və görünməmiş şəraitdə və nizamnamə məqsədlərinə nail olmaq üçün apellyasiya şikayəti əsasında verilən qərar məntiqli olub və qəbul edilməli idi. Beynəlxalq futbol yarışlarının təhlükəsiz, dinc və nizamlı keçirilməsini təmin etmək lazım idi.

Qərar nə siyasi neytrallıq prinsipini, nə də İsveçrə qanunvericiliyinin məcburi müddəalarını pozub. Bu, qeyri-mütənasib və ya ayrı-seçkilik xarakteri daşımayıb və UEFA-nın ixtiyarındadır”, - deyə qərarın əsaslandırma hissəsində bildirilib.

Xatırladaq ki, 2022-ci ilin fevralından Rusiya klubları və milli komandası FİFA və UEFA-nın himayəsi altında keçirilən turnirlərdə iştirakdan məhrum edilib.

Oxşar xəbərlər

Ukrayna rusları yaşıl meydanda görmək istəmir

Ruslar yenidən qayıdır - Nələr olacaq?

Rusiya klublarına qoyulmuş qadağa qüvvədə saxlanıldı - CAS

Rusiya bütün yarışlardan qovuldu, bəyanat yaydı - Dərs

Rusiya və Kosovo komandaları eyni qrupda yer almayacaq