AFFA yanında Media Komitəsinin (MK) İdarə Heyətinin üzvləri Mahir Rüstəmli, İlqar Tağıyev, Araz Əhmədov və Rüstəm Piriyev Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli ilə görüşüb.

Sportfm.az xəbər verir ki, görüşdə icraçı direktora MK-nın fəaliyyəti haqda bilgi verilib və onu maraqlandıran suallar cavablandırılıb. Ümumilikdə ölkə mediası ilə bağlı bir çox aktual məsələlər və əməkdaşlıq perspektivləri də müzakirə olunub. Görüşün sonunda qəbula görə Vüqar bəyə təşəkkür edən Mahir Rüstəmli MK-nın KİVDF-nin faydalı təcrübəsindən yararlanmağa hazır olduğunu bildirib.