Bakıda keçirilən şahmat üzrə Dünya kubokunda 1/16 final mərhələsinin tay-brek görüşlərinə start verilib.
Sportfm.az xəbər verir ki, Azərbaycan təmsilçisi Nicat Abasov FIDE adından çıxış edən Pyotr Svidlerlə dueldən qalib ayrılmaqla karyerasında ilk dəfə Dünya kubokunun 1/8 final mərhələsinə vəsiqə qazanıb.

Nicat Abasovla Pyotr Svidler arasında ilk rapid oyunu bərabərliklə yekunlaşıb. İkinci rapid mübarizəsinin mittelşpilində mürəkkəb vəziyyət yaranıb. Nicat rəqibin piyadasını götürərək P.Svidlerin təşəbbüsünün qarşısını alıb. Sonda təmsilçimiz gözlənilməz taktiki gedişlə ağların məğlubiyyətini rəsmiləşdirib.

Qeyd edək ki, Dünya kubokunda 1/8 final mərhələsinin ilk oyunları sabah keçiriləcək. Nicat Abasovun rəqibi BƏƏ təmsilçisi Saleh Salem olacaq.

Oxşar xəbərlər

Nicat Abasovdan 38 pilləlik sıçrayış - FİDE reytinqi

Dünya kubokunun mükafatçıları müəyyənləşdi

Dünya Kubokunun qalibi tay-brekdə bilinəcək

Nicat Abasov Maqnus Karlsenə məğlub oldu

Şahmatçımız yarımfinalda - Dünya Kuboku