Mövsümün başa çatmasına 1 tur qalmasına baxmayaraq, "Sumqayıt" Futbol Klubu 2017/2018 mövsümü üçün heyətini müəyyənləşdirmək üçün çalışmalara başlayıb.

Sportfm.az klubun saytına istinadən xəbər verir ki, ilk olaraq kapitan Vurğun Hüseynovla müqavilə müddəti uzadılıb. 29 yaşlı müdafiəçimiz komandasıyla yeni 1 illik sazişə imza atıb. 4 mövsümdür Sumqayıt klubunun şərəfini qoruyan Vurğun 2016/2017 mövsümündə 27 oyuna çıxıb və 2430 dəqiqə meydanda olub. Kapitan ümumilikdə "Sumqayıt" FK-nın heyətində 111 qarşılaşmada meydana çıxıb. Xatırladaq ki, Vurğun Hüseynovun "Sumqayıt" FK-da debütü 2013-cü il avqustun 4-də gerçəkləşib. O, "Xəzər Lənkəran”la ev matçında (1:1) 90 dəqiqə meydanda mübarizə aparıb.