Azərbaycan 1-ci divizionunun 29-cu turu ilklə əlamətdar olub.

Sportfm.az xəbər verir ki, mövsümdə ilk dəfə qadın referi baş hakim funksiyasını yerinə yetirib.

Bu, “Qarabağ-2” – “Turan Tovuz-2” görüşündə baş verib. Binə qəsəbə stadionundakı matçı Fəridə Lütfəliyeva idarə edib. Qarşılaşmada qonaqlar 3:1 hesabı ilə qalib gəlib.

Cəmi 1 sarı vərəqə ilə kifayətlənən xanım baş hakimin köməkçiləri digər zərif cins nümayəndələri Sevda Nuriyeva və Gülnurə Əkbərzadə olub.

Birinci divizionda qadın baş hakim son 8 mövsümdə ilk dəfə meydana çıxıb. Sonuncu belə hadisə 2014/2015 mövsümündə yaşanıb.

8 il 1 gün öncə – 2015-ci il mayın 15-də “Ağsu” – “Göyəzən” matçında (4:0) ədaləti Venera Kahriç qoruyub. Ağsu şəhər stadionundakı oyunda onun başçılıq etdiyi briqadada 2 xanım hakim də yer alıb. Baş hakimin köməkçilərindən biri Maya Nəbiyeva olub. Dördüncü hakim funksiyasını isə 8 il 1 gündən, yəni 2923 gündən sonra meydana yeni “amplua”da – baş hakim kimi çıxan Fəridə Lütfəliyeva yerinə yetirib.

Oxşar xəbərlər

“Qarabağ”ın oyunu qadın hakimə tapşırıldı - Birinci divizion

"Qarabağ"ın oyununda qadın hakim

Azərbaycan – Xorvatiya oyununda hakim dəyişikliyi - Yoxlama oyunu

Xorvatiya ilə görüşümüzü Fəridə idarə edəcək

Ağayevə kömək olan, "Qarabağ"a uğurlu hakim