"Krasnodar"ın braziliyalı yarımmüdafiəçisi Kadi Borges nümayəndəsi Helsio Alisk müştərisinin vəziyyəti ilə bağlı açıqlama yayıb.

Sportfm.az Rusiya mətbuatına istinadən xəbər verir ki, 27 yaşlı oyunçuya göz yuvasının xarici aşağı divarının qapalı sınığı ilə yerdəyişməsi, sağ üst çənə sinusunun arxa divarının qapalı sınığı, sağ ziqomatik qövsün sınığı, eləcə də sağtərəfli üst çənənin sınığı diaqnozu qoyulub.

Xatırladaq ki, dünən “Spartak”la Rusiya Premyer Liqasının oyunu zamanı rəqib futbolçusu Cikia ilə toqquşan "Qarabağ"ın sabiq futbolçusu yerə yıxılaraq huşunu itirib. Ona ilk tibbi yardımı da Cikia edib. O, Borgesin dilini çıxararaq nəfər almasına kömək edib.

Epizoddan sonra özünə gələn Kadi 51-ci dəqiqədə elektromobillə meydandan çıxarılıb. Daha sonra o, təcili-tibbi yardım maşını ilə xəstəxanaya aparılıb.

Oxşar xəbərlər

Kadi əməliyyat olundu

Kadi üçün mövsüm bitdi

Kadinin durumuna aydınlıq gəldi - AÇIQLAMA

Kadi Borges “Qarabağ”dan ayrıldı

Kadinin Rusiya klubuna keçidi baş tutmadı