Rusiyanın “Krasnodar” klubunda çıxış edən “Qarabağ”ın keçmiş futbolçusu Kadi Borges üçün mövsüm bitib.

Sportfm.az xəbər verir ki, bu barədə braziliyalı yarımmüdafiəçi Rusiya mətbuatına açıqlamasında deyib.

Rusiya Premyer Liqasının 24-cü turunun matçında “Spartak”ın müdafiəçisi Georgi Cikiya ilə hava toqquşması nəticəsində beyin silkələnməsi və kəllə sümüyünün çoxsaylı sınıqlarına məruz qalan 27 yaşlı oyunçu gələn mövsümün hazırlığı zamanı kollektivə qoşulacağını bildirib:

“Zədədən sonra reabilitasiya 15-20 gün davam edəcək. Hərtərəfli bərpa dönəmi isə 1-2 ay çəkəcək. Bu müddət ərzində qoruyucu maskadan istifadə edəcəm. Çox güman ki, növbəti mövsümün hazırlığı zamanı komanda ilə birgə olacam”.

Qış fasiləsində “Qarabağ”dan “Krasnodar”a keçən Kadi Rusiya klubunun heyətində 11 oyunda 3 qol vurub, 1 məhsuldar ötürmə verib.

Oxşar xəbərlər

Kadi yenidən yaşıl meydanlarda

Kadi əməliyyat olundu

Ağır zədə alan Kadi Borgesin indiki halı... VİDEO

Kadi Borges “Qarabağ”dan ayrıldı

Kadi niyə “Qarabağ”ı atdı? - 10 dəfə çox qazanacaq