"Qarabağ"ın futbolçusu Kadi Borgesin Rusiyanın "Krasnodar" klubuna keçidi baş tutmaya bilər.

Sportfm.az xəbər verir ki, Azərbaycan təmsilçisinin tələblərinin yüksək olması səbəb kimi göstərilib.

Tərəflər 26 yaşlı yarımmüdafiəçinin transferinin məbləği ilə bağlı razılığa gələ bilmirlər.

"Köhlən atlar" məbləğdə güzəştə getməsə, Rusiya klubu bu keçiddən imtina edəcək.

Futbolçunun nümayəndəsi Helsio Alisk də danışıqlar barədə məlumatsız olduğunu açıqlayıb: "Kadinin transferi ilə bağlı hazırda baş verdiyini bilmirəm. Çünki klublar birbaşa danışıqlar aparırlar".

Qeyd edək ki, Kadi Borges 2021-ci ildən "Qarabağ"ın formasını geyinir. Braziliyalı oyunçu cari mövsüm 31 oyuna çıxıb, 8 qol və 11 məhsuldar ötürmə ilə yadda qalıb.

Oxşar xəbərlər

Kadinin yeni klubu bəlli oldu

Kadi əməliyyat olundu

Rusiya klubu Kadi transferini açıqladı

Kadi Borges “Qarabağ”dan ayrıldı

Kadi niyə “Qarabağ”ı atdı? - 10 dəfə çox qazanacaq