“Neftçi” Azərbaycan Premyer Liqasının 30-cu turunda “Qəbələ”yə uduzub (1:2).

Sportfm.az xəbər verir ki, həmin matç “ağ-qaralar”ın kapitanı Emin Mahmudov üçün əlamətdar olub. O, cari mövsümdə 7-ci dəfə penaltidən qol vurub.

Azərbaycan millisinin üzvü bununla da paytaxt təmsilçisinin heyətində yeni rekorda imza atıb. O, “ağ-qaralar”ın heyətində Azərbaycan çempionatlarında bir mövsümdə ən çox penalti vuran futbolçu adına sahib çıxıb.

Eminə qədər rekord 6 penaltiyə bərabər idi. 1992-ci ildə Yunis Hüseynov, sonradan Adrian Neaqa (2009/10), Ruslan Qurbanov (2015/16) və Namik Ələskərov (2020/21) eyni çempionatda 6 dəfə 11 metrlik cərimə zərbəsini dəqiq yerinə yetirib. Ruslanın bir zərbəsi qeyri-dəqiq olubsa, digər futbolçular 6 penaltinin hamısını qola çevirib.

Oxşar xəbərlər

Emin Mahmudovdan 50-ci qol

Musa Qurbanlı rekorda imza atdı - Azərbaycan çempionatları

Emin Mahmudov rekorda imza atdı - DÇ-2022

"Neftçi"dən yubiley qolu

“Qəbələ”nin penaltilər üzrə rekordçusu