Futbolun İnkişafı Fondunun icraçı direktoru Tural Piriyev AFFA-nın bugünkü konfransında çıxışı zamanı deyib ki, "Turan Tovuz"a 100K layihəsi çərçivəsində avtobus alınıb. Həəəə icazənizlə burda yekə bir STOP! Sadə insanları, azarkeşləri, ictimaiyyətin müəyyən hissəsini aldada bilərsiniz, amma bizə də yox. FİF AFFA-nın (oxu Elxan Məmmədovun) növbəti uğursuz layihələrindən biridi və son 1 ildəki fəaliyyəti dövründə də bunu hamı gördü. Bugünkü konfransda bu fondu bu formada önə itəliyib ictimaiyyətə onun bu formada piarını aparmaq lazım deyil və kənarda çox süni görünür. Bəli, "Turan Tovuz"a çox əla, müasir bir avtobus alınıb, xeyirli, uğurlu olsun! Amma bu avtobusun FİF-lə yaxından uzaqdan əlaqəsi yoxdur. FİF-in satdığı piksellərdən yığılan pul heç avtobusun təkərləri eləmir. Bir neçə ay bundan qabaq özlərinin rəsmi açıqlamaları bu oldu ki, piksel satışı istənilən səviyyədə deyil, hətta yığılan məbləği də açıqlamışdılar heç 4 min manat düzəlmirdi. 1-2 aya möcüzə baş verdi ki, bu pul toplandı? İctimaiyyətə yalan məlumat verməyin. "Turan Tovuz"a alınan avtobusun hardasa 150-200 min civarında bir qiyməti var. Bu vəsaitin yarısı dövlətin xətti ilə ayırılan büdcədən götürülüb. Yarısını isə klubun yeni sponsoru "Huner Group" şirkəti ödəyib. Qısacası, AFFA-nın "Qarabağ"ın uğurlarında nə qədər payı varsa, FİF-in də alınan bu yeni avtobusda bir o qədər payı var. (Anar Xanlarov)