Misli Premyer Liqasının 19-cu turunda "Qarabağ" Tovuzda çətin keçən maçtda "Turan"ı 3-2 hesabı ilə məğlub etdi. Amma Ağdam klubu bu işdə qarşılaşmanın baş hakimi Fərid Hacıyevin köməyinə ehtiyac duydu. Təbii ki, mətbuat bu işin üstündən ötüb keçdi. Hər halda Tovuz klubunun pul verdiyi mətbu orqanlarının sayı(özünə pulu güclə tapır, mediaya "gün ağlayır") "Qarabağ"ın reklam verdiyi KİV-dən 20 dəfə azdır. Elə ona görə də, "Qarabağ"ın qapısına təyin olunmalı penalti təyin edilmədi, Ağdam klubunun futbolçusuna sarı vərəqə verilmədi. Nə isə...Görünür belə durum "Turan" rəhbərliyinin özünə də xoşdur. Gələk ötən gün baş tutan digər bir görüşə. 21-ci tur çərçivəsində "Neftçi" evdə"Sumqayıt"ı 2-0 hesabı ilə məğlub edərək xallarının sayını 44-də çatdırdı. 54-cü dəqiqədə künc zərbəsindən sonra Solomon Kvirkveliyanın başla vurduğu qol zamanı qayda pozuntusu olsa da, hakim Elçin Məsiyevin fiti susdu. Solomon topa yüksələn zaman, onun komanda yoldaşı Stankoviç qonaq komandanın oyunçusu Murad Xaçayevin sifətinə dirsəyi ilə vuraraq, topa yüksəlməsini əngəllədi və rəqibi zədələdi. Epizod baş hakimin gözü qarşısında baş verdi. Ancaq futbolsevərlər tərəfindən ""Neftçi"nin hakimi" kimi tanınan Məsiyev bunu görməzdən gəldi və VAR-a getməyi ağlından belə keçirmədi. 

Matçdan sonra "Sumqayıt"ın baş məşqçisi Samir Abasov sözlərinə məhz bu epizoda etirazla başladı. O, haqlı olaraq həmin epizodda qayda pozuntusunun olduğunu söylədi. Mütəxəssis həmin qolun qeydə alınmamalı olduğunu da qeyd etdi. 

Nəysə, bizdən yazmaqdı...Vicdan və əqidəni isə(əgər varsa) gühankarların öhdəsinə buraxırıq. Əgər təmiz mübarizəyə icazə versəydilər, nə gözəl olardı. Bu arada Ramin Musayev də bundan sonra kiçik bizneslə məşğul olacaq.