Azərbaycan millisinin futzalçısı Rafael Vilela Rusiyanın "Tümen" komandasına qayıdıb.

Sportfm.az xəbər verir ki, bu barədə klubun icraçı direktoru Denis Xarin "asnta.ru" saytına açıqlama verib.

O bildirib ki, 29 yaşlı hücumçu bir mövsümlük Qazaxıstan "Kayrat"ına icarəyə verilsə də, vaxtından əvvəl "Tümen"ə dönüb: "Bu, Çempionlar Liqasında iştirak edən Qazaxıstan təmsilçisinin heyətini gücləndirmək məqsədi daşıyırdı. Amma komanda “dördlər finalı”na çıxa bilmədiyi üçün futzalçıdan qayıtmasını və Rusiya çempionatında bizə kömək etməsini xahiş etdik. "Kayrat" da buna razılaşdı".

Xarin braziliyalı futzalçının özünü daha yaxşı tərəfdən göstərəcəyinə inanır: "Ümid edirik ki, bu dəfə futzalçıya öz mövqeyində şans veriləcək və klub ondan maksimum yararlanacaq".

Oxşar xəbərlər

Millimizin üzvü "Sportinq"ə keçir

Yığmamızın futzalçısı Rusiya klubundan ayrılır

Millimizin iki futzalçısı klubunu dəyişdi - Transfer

Millimizin üzvü Qazaxıstan klubunda

Milli komandamızın futzalçısı "Tümen"lə anlaşdı - FOTO