Azərbaycan millisinin futbolçusu Mahir Emrelinin çıxış etdiyi Xorvatiya klubu “Dinamo” Zaqrebdə ilin ən yaxşı kişi komandası seçilib.

Sportfm.az xəbər verir ki, “Dinamo” il ərzində Xorvatiya çempionluğunu, ölkə superkubokunu qazanmaqla, eyni zamanda, 2021/2022 mövsümündə Avropa Liqasının pley-off mərhələsində və 2022/2023 mövsümündə Çempionlar Liqasının qrupunda iştirak etməklə bu uğura layiq görülüb.

Mükafatlandırma mərasimində Mahir Emreli də iştirak edib. “Dinamo” Xorvatiya çempionatında 16 oyunda 41 xal toplayıb və turnir cədvəlinə başçılıq edir.

Qeyd edək ki, Mahir Emreli cari mövsüm bütün turnirlər daxil olmaqla, 10 matça çıxıb, 3 qol vura bilib.

Oxşar xəbərlər

Emreli "Dinamo"nu məğlubiyyətdən qurtardı - Xorvatiya çempionatı

Emrelinin komandası 1/8 finalda - Xorvatiya kuboku

Axır ki, Mahir meydana çıxdı - Xorvatiya Çempionatı

Mahir üçün 45 dəqiqə - Xorvatiya çempionatı

Posterdə Mahir Emrelinin şəkli