Bu gün Avropa Konfrans Liqasının qrup mərhələsində 4-cü turun oyunları keçiriləcək.

Sportfm.az xəbər verir ki, 8 qrupda bütövlükdə 16 qarşılaşma baş tutacaq.

Türkiyənin bu turnirdəki təmsilçilərindən "Başakşəhər" bu tur pley-off vəsiqəni təmin edə bilər. Bunun üçün İstanbul təmsilçisi evdə Latviyanın RFS komandasına qalib gəlməli, eyni zamanda, "Fiorentina"nın evdə Şotlandiya "Harts"ını məğlub etməsini gözləməlidir.

Bu gün daha 4 komanda vaxtından əvvəl 1/8 finala adlaya bilər. B qrupunda İngiltərə "Vest Hem"i Belçika "Anderlext"ini yenəcəyi halda adını növbəti raunda yazdıracaq.

C qrupunda İspaniya "Vilyarreal"ı pley-offa çıxmaq üçün Avstriyada "Austriya" (Vyana) klubunu məğlub etməlidir. E qrupunda isə Niderlandın "Alkmaar" komandası Kiprdə "Apollon"a qalib gəlsə, qrupdan çıxmağı təmin edəcək.

F qrupunda da İsveç "Yurqorden"i pley-offun bir addımlığındadır. Bunun üçün komanda evdə Belçika "Gent"ini üstələyib, Norveç "Molde"sinin İrlandiyada "Şemrok Rovers" üzərində qələbə qazanmasına ümid etməlidir.

Avropa Konfrans Liqası
Qrup mərhələsi, 4-cü tur
13 oktyabr

A qrupu

20:45. Başakşəhər (Türkiyə) - RFS (Latviya)
20:45. Fiorentina (İtaliya) - Harts (Şotlandiya)

Xal: Başakşəhər – 7. Fiorentina – 4. Harts – 3. RFS - 2.

B qrupu

23:00. Styaua (Rumıniya) - Silkeborq (Danimarka)
23:00. Vest Hem (İngiltərə) - Anderlext (Belçika)

Xal: Vest Hem – 9. Anderlext – 4. Silkeborq – 3. Styaua - 1.

C qrupu

20:45. Austriya (Vyana, Avstriya) - Vilyarreal (İspaniya)
23:00. Hapoel (Ber-Şeva, İsrail) - Lex (Polşa)

Xal: Vilyarreal – 9. Lex – 4. Hapoel – 2. Austriya – 1.

D qrupu

20:45. Partizan (Serbiya) - Köln (Almaniya)
23:00. Nitsa (Fransa) - Slovaçko (Çexiya)

Xal: Partizan – 5. Nitsa – 5. Köln – 4. Slovaçko – 1.

E qrupu

20:45. Apollon (Limassol, Kipr) - Alkmaar (Niderland)
23:00. Vaduts (Lixtenşteyn) - Dnepr-1 (Ukrayna)

Xal: Alkmaar – 9. Dnepr – 4. Vaduts – 2. Apollon – 1.

F qrupu

20:45. Yurqorden (İsveç) - Gent (Belçika)
23:00. Şemrok Rovers (İrlandiya) - Molde (Norveç)

Xal: Yurqorden – 7. Molde – 4. Gent – 4. Şemrok Rovers - 1

G qrupu

20:45. ÇFR (Rumıniya) - Slaviya (Praqa, Çexiya)
23:00. Balkani (Kosovo) - Sivasspor (Türkiyə)

Xal: Balkani – 4. Sivasspor – 4. Slaviya – 4. ÇFR – 4.

H qrupu

20:45. Slovan (Bratislava, Slovakiya) - Bazel (İsveçrə)
23:00. Jalgiris (Litva) - Pünik (Ermənistan)

Xal: Bazel – 6. Pünik – 6. Slovan – 4. Jalgiris – 1.