Azərbaycan Futnet Federasiyasının baş katibi Əfqan Həmzəyev Birləşmiş Ərəb Əmirliklərinin idman nazirinin xüsusi dəvəti ilə bu ölkəyə yollanıb.
Sportfm.az xəbər verir ki, o, dünya futbolunun sabiq ulduzlarının Dubay şəhərində təşkil ediləcək şou xarakterli qarşılaşmanı izləyəcək. Dünya Futvole Federasiyasının da baş katibi olan Həmzəyev həmin görüşdə qalib gələcək tərəfə mükafatları təqdim edənlər sırasında olacaq.
Səfər zamanı beynəlxalq qurumun rəsmisi Bakıda keçiriləcək futvole üzrə dünya çempionatında ulduz oyunçuların iştirakı ilə bağlı məsələləri də müzakirə edəcək.
Qeyd edək ki, hazırda karyerasını bitirmiş bir çox ulduz top ustası futvole ilə məşğul olur.