Bu gün məşhur Azərbaycan hakimi Tofiq Bəhramovun doğum günüdür.

Sportfm.az xəbər verir ki, hakimlik məktəbimizin ən parlaq nümayəndəsi olan T.Bəhramov 1925-ci ilin yanvarın 29-da doğulub.

O, 1966-cı ildə dünya çempionatının final matçında (İngiltərə - Almaniya – 4:2) laysman olub. Bu görüşdə hesab 2:2 olarkən İngiltərənin lehinə verdiyi qərarla futbol tarixinə düşüb.

T.Bəhramov iki dəfə (bir dəfə baş hakim, bir dəfə laynsman kimi) qitələrarası kubokda ədaləti qoruyub. Ardıcıl olaraq 13 il SSRİ-nin ən yaxşı 10 hakimi sırasına düşüb.

Bəhramov AFFA-nın ilk baş katibi olub.

1993-cü ildə Bakıda dünyasını dəyişib.