Respublika Şahmat Mərkəzində 2003 – 2004-cü il təvəllüdlü oğlanlar və qızlar arasında şahmat üzrə Bakı şəhər birinciliyi keçirilib.

Sportfm.az xəbər verir ki, yarışda 1 №-li İOEUGŞDİM, 2 №-li İOEUGŞİM, 3 №-li UGŞİM, 19 №-li UGİM, RİOEUGŞM, HİRŞDK, Suraxanı GE, Yasamal ME, "Neftçi” İKİB, "Elfim” ŞM və Respublika Şahmat Klubunun 61 üzvü təmsil edib. Yarışda oğlanlar arasında I yeri Manafov Vüqar, II yeri Eynullayev Altay, III yeri Teymurov Elnur, qızlar arasında I yeri Abbasova Sədaqət, II yeri Axundova Nərgiz, III yeri Nəsibova Nigar tutub. Qaliblərlə yanaşı oğlanlar arasında IV yeri tutmuş Mürsəlli Mətin, V yeri tutmuş Mehrəliyev Emil və qızlar arasında IV yeri tutmuş Rəhimli Nuranə, V yeri tutmuş Quliyeva Nərgiz də 16 mart tarixində keçiriləcək respublika final mərhələsinə vəsiqə qazanıb.