"Qırmızı vərəqədən sonra işimiz çətinləşdi. Futbolçular xeyli güc itirdilər. Sonda standart vəziyyətdən qol buraxdıq".

Bunu "Keşlə"nin baş məşqçisi Sənan Qurbanov evdə "Zirə"yə 0:2 hesabı ilə uduzduqları Azərbaycan Premyer Liqasının III tur matçından sonra mətbuat konfransında deyib.

41 yaşlı mütəxəssis bildirib ki, oyunla bağlı danışılası çox şey yoxdur: "Üç oyundur uduzuruq, üzgünük. Psixoloji gərginliyi üstümüzdən ata bilmirik. Futbolçular məşqdə daha yaxşıdırlar. Amma oyunlarda gərginlik görünür".