Azərbaycanın şahmat komandası bu gün start götürəcək blits üzrə Avropa çempionatına güclü heyətlə qatılıb. İştirakçılar arasında əmsalı 2700 olan yüksək reytinqli idmançıların da mübarizə aparması turnirin mühüm yarış olduğunu bir daha sübut edir.

Sportfm.az xəbər verir ki, bu sözləri şahmat üzrə yeniyetmələrdən ibarət yığma komandanın baş məşqçisi qrossmeyster Fərid Abbasov müsahibəsində bildirib.

Baş məşqçi deyib ki, bu gün Bakı vaxtı ilə saat 21:00-da start götürəcək yarışın seçmə mərhələsində yığmamızın bir çox üzvləri mübarizə aparacaqlar. Komandamızın üzvləri Qədir Hüseynov, Vasif Durarbəyli, Günay Məmmədzadə, gənc şahmatçılardan Aydın Süleymanlı, Əhməd Əhmədzadə, Məhəmməd Muradlı və güclü potensiala malik digər şahmatçılarımız yüksək nəticələr qazanmağa çalışacaqlar. Əminəm ki, təmsilçilərimiz qitə çempionatında öz güclərindən maksimum istifadə edəcəklər. (azertag.az)

Oxşar xəbərlər

Azərbaycan yığmasının heyəti açıqlandı - Şahmat üzrə Avropa çempionatı

Şahmatçılarımız mübarizəyə başlayır - Avropa kuboku

Avropa kubokunda ölkəmizi 5 komanda təmsil edəcək - Onlayn

“Vüqar Həşimov” klubu Avropa kubokunda iştirak edəcək

“Naxçıvan-2018” Beynəlxalq Şahmat Festivalına start verildi