Azərbaycan ordusunun Qarabağda qazandığı haqq savaşına və torpaqlarımızın işğaldan azad olunmasına həsr edilən uşaq futbol turniri keçiriləcək.

Sportfm.az xəbər verir ki, 23 noyabrda start götürəcək "Zəfər Kuboku 2020"-də U-12 və U-9 komandaları mübarizə aparacaq. Böyükşor gölünün yaxınlığında yerləşən "Azfar" mini-futbol meydançalarında baş tutacaq yarışın təqvimi artıq məlumdur. 

Qeyd edək ki, turnir boyunca azyaşlı futbolçuları təbii bulaq suyu ilə idmançılar üçün ideal seçim olan "Öz Gədəbəy" şirkəti təmin edəcək.