Türkiyə Super Liqasında 2020/21 mövsümündə mübarizə aparacaq daha bir komandanın adına aydınlıq gəlib.

Sportfm.az xəbər verir ki, TFF 1-ci liqada çempion olan “Hatayspor”un ardından ikinci pilləni təmin edən “Erzurumspor” da elitaya yüksəlib.

Bu, 34-cü turda “Ümraniyəspor” üzərindəki 4:1 hesablı qələbədən sonra rəsmiləşib. Lider “Hatayspor” mövsümü 66 xalla zirvədə bitiribsə, “Erzurumspor” 62 xalla ikinci olub. Bu üzdən də sözügedən iki komanda Super Liqaya birbaşa vəsiqə qazanıb.

Sonrakı pillələrdə qərarlaşan “Adana Dəmirspor” (61), “Akhisarspor” (57), “Karagümrük” (56) və “Bursaspor” (56) isə elitaya sonuncu vəsiqə uğrunda pley-off qarşılaşmaları keçirəcək.

Yarımfinal cütləri belədi:

22 iyul

Bursaspor - Adana Dəmirspor

Karagümrük - Akhisarspor

26 iyul

Adana Dəmirspor – Bursaspor

Akhisarspor – Karagümrük

TFF 1-ci liqada 2019/20 mövsümünə iyulun 19-da keçiriləcək iki oyunla (“Eskişeherspor” - “Boluspor” və “Osmanlıspor” – “Balıkesirspor”) yekun vurulacaq.

Bu oyunlardan sonra həm də TFF 1-ci liqa ilə vidalaşan sonuncu komandanın adına aydınlıq gələcək. Bu, ya “Osmanlıspor” (27 xalla 16-cı), ya da “Boluspor” (30 xalla 15-ci) olacaq.

Daha öncə son iki pillədə qərarlaşan “Adanaspor”la “Eskişeherspor”un aşağı liqaya düşəcəyi dəqiqləşmişdi. Sonda onu da xatırladaq ki, “Erzurumspor” cəmi 1 il aradan sonra yenidən Super Liqaya vəsiqə qazandı.

Oxşar xəbərlər

“Beşiktaş” xal itirdi - Super Liqa

“Fənərbaxça”nın "canını" Adanada "yaktılar" - Super Liqa

“İstanbulspor” 2 qolla qalib gəldi - Super Liqa

Super Liqaya son vəsiqəni kim qazanacaq? - Finalçılar bəlli oldu

Növbəti mövsüm onlar olmayacaq!