Dünən futzal üzrə UEFA kubokunun elit raundunda növbəti görüşlər baş tutub.    

Sportfm.az xəbər verir ki, Azərbaycan çempionu "Araz” turnirdə ikinci oyununa çıxıb. Təmsilçimiz yarışın favoritlərindən olan Rusiyanın "Yuqra” komandası ilə qarşılaşıb. "Araz" rəqibinə böyük hesabla uduzaraq mübarizəni dayandırıb. Sonuncu turda "Hamburq"a qarşı oyun təmsilçimiz üçün formal xarakter daşıyacaq. Qeyd edək ki, "Araz" ilk oyunda Xorvatiyanın "Nasional” komandasına 1:2 hesabıyla uduzmuşdu.  UEFA kuboku, elit-raund B qrupu, 2-ci tur 24 noyabr Araz (Azərbaycan) - Yuqra (Rusiya) 0:4 Qollar: Eder Lima, 9:59, Marseniya, 27:12, Çişkala, 31:57, Kayo, 33:28. Hakimlər: Paskal Lamal (Belçika), Eduardo Fernandes Koelyu (Portuqaliya) Zaqreb. İdman Evi