“NASCAR” seriyasının rəhbərliyi çempionatı mayın 17-də bərpa etməyi planlaşdırır.

Sportfm.az xəbər verir ki, ilk iki mərhələ Cənubi Karolinada, Darlinqton şəhərində keçiriləcək. Bu yerin seçilməsi onunla bağlıdır ki, bəzi karantin tədbirləri bu ştatda yüngülləşdirilib. “NASCAR Cup”un ikinci yürüşü mayın 20-də təşkil olunacaq.

Daha sonra seriya Şarlott şəhərinə ötürüləcək. Burada yürüşlər mayın 24 və 27-də keçiriləcək.

Beləliklə, “NASCAR” koronavirus pandemiyası fonunda yarışlara başlayan ilk iri seriya olacaq. Qeyd edək ki, yürüşlər tamaşaçısız keçiriləcək.

Digər populyar Amerika yürüş seriyası olan “IndyCar” mövsümün startı üçün ilkin tarixləri hələ elan etməyib. Lakin məlumdur ki, “İndianapolisin 500 mili” əfsanəvi yürüşü yayın sonunadək təxirə salınıb.

Oxşar xəbərlər

Final seriyasının təqvimi açıqlandı Basketbol Liqası

“500 mil” yarışında tamaşaçılara icazə veriləcək

Denni Hemlin NASCAR yürüşünün qalibi oldu

Son qərarı Futbol Federasiyası verəcək - Çempionat keçirilsinmi?

A Seriyası nə vaxt bərpa olunacaq?