Dünya çempionu Maqnus Karlsenin dəvəti ilə təşkil edilən şahmat üzrə onlayn superturnirdə üçüncü turun oyunlarına yekun vurulub.

Sportfm.az xəbər verir ki, turun son oyunlarında fransalı Maksim Vaşe-Laqrav çinli Liren Dinq, niderlandlı Aniş Giri rusiyalı Yan Nepomnyaşi ilə mübarizə aparıblar. L.Dinq M.Vaşe-Laqravı əsas 4 partiyadakı heç-heçələrin ardından “armagedon”da üstələyərək qarşlaşmadan qalib ayrılıb (3:2). Nəticədə, çinli şahmatçı hesabına 2, Fransa təmsilçisi 1 xal yazıb. Y.Nepomnyaşi isə A.Girini əsas partiyalarda 2,5:1,5 hesabı ilə üstələyib. Rusiyalı şahmatçı aktivinə daha 3 xal əlavə edib.

Ötən oyunların yekun nəticələrinə görə, M.Karlsen 8 xalla liderliyini davam etdirir. Hikaru Nakamuranın 7, L.Dinqin 6, Fabiano Karuana, M.Vaşe-Laqrav və Y.Nepomnyaşinin 5 xalı var. FIDE təmsilçisi Əlirza Firuzca və A.Giri hələ ki xalsızdırlar.

Oxşar xəbərlər

Nakamura superturnirin finalında - Onu gərgin oyun gözləyir

Superturnirdə beşinci tur start götürür

Şəhriyar Məmmədyarov heç-heçə etdi

Şəhriyar Məmmədyarovun növbəti rəqibi Fabiano Karuana olacaq

“Grand Chess Tour 2019”: Məmmədyarov Maqnus Karlsen ilə qarşılaşır