Sportfm.az xəbər verir ki, əslən Qaxdan olan təcrübəli referinin rayondakı ata evi yanıb. Qardaşının yaşadığı evdə yanğın baş versə də, xoşbəxtlikdən ailənin heç bir üzvünə xəsarət dəyməyib. Həmzəyev bu haqda şəxsi feysbuk səhifəsində yazıb: "Bu gün səhər saatlarında bizim kəndimizdəki dədə-baba evimiz tamamilə yanıb. Qardaşım və ailəsi şükür allaha ki, sağ-salamatdırlar. Pandemiya bəlası ilə mübarizə apardığımız bu dövürdə 4 baş ailə heç bir şeysiz küçədə qalıb. Şəhərdən çıxa bilmirik ki, onların yanında olaq. Bilmirəm nə edim, çox pis olmuşam. Allah özü kömək olsun".

Qeyd edək ki, Həmzəyev 7 Fevral 1974-cü ildə Qax rayonunda anadan olub.