Hövsanda yerləşən FHN İdman Kompleksində keçirilən 21 yaşadək gənclər arasında cüdo üzrə Bakı birinciliyinə yekun vurulub.

Sportfm.az xəbər verir ki, turnirin sonuncu günündə 8 çəki dərəcəsində mübarizə aparan cüdoçular arasında qaliblər bəlli olub.

Əmrah Səlimli (60 kq), Elcan Şəfiyev (73 kq), Kamran Novruzov (90 kq), Kənan Nəsibov (+100 kq) oğlanların mübarizəsində bütün rəqiblərinə qalib gələrək qızıl medal qazanıblar.

Qızların yarışında isə Vüsalə Kərimova (48 kq), Vüsalə Hacızadə (57 kq), Rahidə Cavadova (70 kq) və Firuzə Hacıverdiyeva (78+kq) çempion olublar. 

Paytaxt birinciliyinin qalib və mükafatçılarına Azərbaycan Cüdo Federasiyası, Bakı şəhər Gənclər və İdman baş idarəsinin medal və diplomları təqdim olunub.

Qeyd edək ki, 2 gün davam edən Bakı şəhər açıq birinciliyində 25 klubdan 217 gənc cüdoçu medallar uğrunda mübarizə aparıb.

Oxşar xəbərlər

Paytaxtın ən güclüləri bilindi

Cüdo üzrə ölkə birinciliyində bütün qaliblər müəyyənləşdi - FOTO

Azərbaycan birinciliyində ilk günün qalibləri müəyyənləşdi - FOTO

318 cüdoçunun medallar uğrunda gərgin mübarizəsi - VİDEO

Bakı birinciliyinin ilk gününə yekun vuruldu