Hövsanda yerləşən Fövqəladə Hallar Nazirliyinin İdman Kompleksində yeniyetmə cüdoçular arasında Azərbaycan birinciliyinin komanda yarışları keçirilib.

Sportfm.az xəbər verir ki, "Neftçi İK" və "Kanokan TT" komandaları bütün rəqiblərinə qalib gələrək finala çıxıblar.

Gərgin və maraqlı idman mübarizəsi şəraitində keçən görüşü 4:3 hesabı ilə qalib başa vuran "Neftçi İdman Klubu"nun cüdoçuları Azərbaycan çempionu adına layiq görülüblər. "Kanokan TT" gümüş, "Aura İK" və "UGİM-13" komandaları bürünc medala sahib olublar. Qalib və mükafatçılara diplom, medal və kuboklar təqdim olunub.

Xatırladaq ki, Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilən ölkə birinciliyinin komanda yarışlarında 9 klub, fərdi yarışlarda isə 74 klubdan 592 cüdoçu (505 oğlan, 87 qız) iştirak edib.

Oxşar xəbərlər

Paytaxtın ən güclüləri bilindi

Xumar və Səbinə qalib oldular - Azərbaycan birinciliyinin

Azərbaycan çempionatında fərdi yarışların qalibləri məlum oldu - FOTO

Azərbaycan birinciliyinin bütün qalibləri məlum oldu

318 cüdoçunun medallar uğrunda gərgin mübarizəsi - VİDEO