Noyabr 23-də Gürcüstanın Tbilisidə 16 yaşlı voleybolçu qızlar arasında Şərqi Avropa Zonal Assosiasiyasının (EEVZA) çempionatı start götürüb. Sportfm.az xəbər verir ki, Gürcüstan, Latviya, Rusiya, Ukrayna, Belarus, Estoniya, Litva və Polşanın iştirak etdiyi yarışda voleybolçularımız A qrupunda mübarizə aparırlar. Emin Əbilovun rəhbərlik etdiyi komanda ilk matçını Ukrayna millisinə qarşı keçirib. Görüş ukraynalıların 3:0 hesabı ilə qələbəsi ilə yekunlaşıb. AVRO-2020-yə seçmə statusu da daşıyan yarışda Azərbaycan yığması növbəti oyununu bu gün ev sahibi Gürcüstana qarşı keçirəcək. Qeyd edək ki, Şərqi Avropa Zonal Assosiasiyasının (EEVZA) çempionatı U-17-lər arasında 2020-ci ildə baş tutacaq Avropa çempionatının seçmə mərhələsi (I raund) statusundadır. Yarışın reqlamentinə əsasən, çempion birbaşa Monteneqroda keçiriləcək Avropa çempionatının finalına vəsiqə əldə edəcək. 2020 Avropa Çempionatının II seçmə mərhələsində isə reytinq cədvəlində nəticələri yüksək olan 20 komanda mübarizə aparacaq.

A qrupu: Azərbaycan, Gürcüstan, Latvia, Rusiya, Ukrayna.

B qrup: Belarus, Estoniya, Litva, Polşa.

Oyunların nəticələri:

2019-11-23. 15:00. Azərbaycan 0-3 (11-25, 12-25, 11-25) Ukrayna

2019-11-23. 17:30. Gürcüstan 0-3 (06-25, 11-25, 11-25) Rusiya

2019-11-24. 15:00. Gürcüstan 0-3 (06-25, 25-27, 12-25) Latviya

2019-11-24. 17:30. Rusiya 3-0 (25-16, 25-11, 25-12) Ukrayna

Növbəti oyunlar:

2019-11-25 10:00 Latviya - Rusiya

2019-11-25 15:00 Azərbaycan - Gürcüstan

2019-11-26 12:30 Rusiya - Azərbaycan

2019-11-26 17:30 Ukrayna – Latviya

Oxşar xəbərlər

Voleybolçularımız Tiflisdə uğursuzluğa düçar oldu

Voleybolçularımız Ukrayna ilə mübarizə aparacaq

Millimiz Gürcüstan, Latviya, Rusiya və Ukrayna yığmaları ilə qarşılaşacaq

Millimiz Gürcüstan, Latviya, Rusiya və Ukrayna yığmaları ilə qarşılaşacaq

Voleybolçularımız EEVZA çempionatında çıxış edəcəklər