Portuqaliya Sequndasında XII turun oyunları keçirilir. Sportfm.az-ın məlumatına görə, azərbaycanlı futbolçu Budaq Nəsirovun çıxış etdiyi "Sportinq”in B komandası da növbəti oyununa çıxıb. Lissabon təmsilçisi səfərdə "Olhanense”nin qonağı olub. Oyun 2:2 hesablı bərabərliklə başa çatıb. Meydana start heyətdə çıxan Budaq Nəsirov matçın 84-cü dəqiqəsində komandasının ikinci qolunu vurub. Bu, Nəsirovun "Sportinq”də ilk qoludur.

Qeyd edək ki, "Sportinq” 18 xalla 22 komanda arasında  10-cu pillədə qərarlaşıb. 

29 oktyabr

Qollar:  Leonardo Ruiz 6 (0:1), Salim Sisse, 58 (1:1), Budaq Nəsirov, 84 (1:2), Dieqo Parros, 90+2 (2:2)