2019/20 mövsümü üçün transfer çalışmalarını davam etdirən “Sumqayıt” heyətinə daha 2 futbolçu cəlb edib. 
Sportfm.az klubun saytına istinadən xəbər verir ki, son mövsümü müvafiq olaraq BATE (Borisov) və “Torpedo”nun (Moskva) heyətində keçirmiş futbolçular – Cəmaləddin Xocaniyazov və Rəhim Sadıxovla 2 illik müqavilə imzalanıb. Cəmaləddin “Sumqayıt”da 5, Rəhim isə 90 nömrəli formada çıxış edəcək. 

Qeyd edək ki, Sankt-Peterburq “Zenit”inin yetirməsi olan Cəmaləddin Xocaniyazov 2012-2016-cı illərdə adıçəkilən komandanın əsas və əvəzedici komandalarında çıxış edib (10 oyun). Son klubu BATE (2 oyun) olan Cəmaləddin Rusiyanın “Ural” (1 oyun), “Baltika” (2 oyun), “Soçi” (8 oyun), “Amkar” (Perm, 1 oyun) və Danimarkanın “AGF Aarhus” (35 oyun, 1 qol) klublarının şərəfini qoruyub.
Moskva “Spartak”ının yetirməsi olan Rəhim Sadıxov isə peşəkar karyerası ərzində “Solyaris” (Moskva) (16 oyun) və “Torpedo”nun (Moskva) (71 oyun, 23 qol) uğurları üçün çalışıb. Rəhim Azərbaycanın U-17 və U-19 millilərində də çıxış edib.

Oxşar xəbərlər

Kamran Əliyev “Sumqayıt”da - RƏSMİ

Rəhim Sadıxov “Zirə”də! - RƏSMİ

Elvin Məmmədov "Sumqayıt"da - Transfer

"Qarabağ"ın daha bir futbolçusu "Sumqayıt"da - FOTO

“Sumqayıt” daha bir transfer etdi