Türkiyənin “Trabzonspor” futbol klubu Azərbaycan milli komandasının və “Qarabağ”ın hücumçusu Mahir Emreli ilə maraqlanır.

Sportfm.az xəbər verir ki, Trabzon klubunun təmsilçiləri M.Emrelini Azərbaycan-Xorvatiya (1:1) qarşılaşmasında bəyəniblər.

“Trabzonspor” klubunun baş məşqçisi Unal Karaman bildirib ki, onlar komandaya gələcəyi parlaq futbolçular seçmək istəyirlər.

Qeyd edək ki, karyerasına 2014-cü ildə “Bakı” klubunda başlayan M.Emreli 2015-ci ildə Ağdam təmsilçisinə transfer olunub.