Son Azərbaycan çempionu “Qarabağ” bu mövsüm üçün transfer çalışmalarını yekunlaşdırmaq üzrədir.
Sportfm.az xəbər verir ki, Ağdam klubu milli komandamızın futbolçusu Ramil Şeydayevi heyətinə qatıb. Müqaviləylə Türkiyənin “Trabzonspor” klubuna məxsus olan hücumçu 2017/18 mövsümünü icarə əsasında “Qarabağ”da keçirəcək.
21 yaşlı hücumçu Rusiya “Zenit”inin yetirməsidi və peşəkar karyerasına bu klubda başlayıb. Ötən yay “Trabzonspor”a transfer olunan Şeydayev qışda icarə əsasında Slovakiyanın “Jilina” klubuna keçib.
Qeyd edək ki, Şeydayev 2015-ci ildə 19 yaşlılar arasında keçirilən Avropa çempionatında 12 qolla bombardir olub.