UEFA Avropa Liqasının qrup mərhələsinin III turun oyunu keçirilib. Sportfm.az xəbər verir ki, "Qarabağ" PAOK-u qəbul edib, oyundan sonra ilk olaraq mətbuatın qarşısına PAOK-un baş məşqçisi Vladimir İviç çıxıb: "Oyun gözlədiyimiz kimi keçmədi. Birinci hissəni daha yaxşı oynadıq. Bizim üçün pis bir gün idi. İstədiyimiz nəticəni əldə edə bilmədik. Bunun məsuliyyətini mən daşıyıram. Komanda istədiyi oyunu ortaya qoya bilmədi, oyunumuz alınmadı".

 

Sonra isə mətbuatın qarşısına "Qarabağ"ın baş məşqçisi Qurban Qurbanov çıxdı: "Futbolçuların çıxışından çox razıyam. Təbii ki, ilk hissədə bizim üçün çox çətin oldu, rəqib sıx oynayırdı. PAOK-un oyunu canlı izləmişdim. Futbolda həmişə risk var. Mən həmişə demişəm ki, əlimdəki futbolçularımın sayı nə qədər çox olsa, dəyişiklik etmək bir o qədər asandı. Lazım gəlsəydi, Qara Qarayevi mərkəz müdafiəçisi mövqeyində oynada bilərdim. Reynaldo zədəli idi, oyuna hazır deyildi. Lazım olan nəticəni əldə etməyə çalışacağıq".