Hazırda Tofiq Bəhrəmov adına Respublika stadionunda davam edən "Qarabağ"-PAOK matçında xoşagəlməz insident baş verib. Sportfm.az saytının oyunda olan əməkdaşının verdiyi məlumata görə, yunan azarkeşlər stadionun 28-ci sektorunda bayraq açmaq istəyiblər. Həmin sektorda üstünlük təşkil edən "Qarabağ" azarkeşləri buna ciddi reaksiya verib. Yerli fanatların səs-küyündən sonra qonaq azarkeşlər açdıqları yunan bayrağını yığmalı olublar. Ancaq onlar şüarlar səsləndirməkdə davam edir. 

Qeyd edək ki, bu hadisə ilk 45 dəqiqənin sonunda baş verib.