"Qarabağ” Avropa liqasında "Fiorentina”ya 1-2 hesabı ilə məğlub olaraq qrupda qalıb.

Matçın bitimində yenə istənməyən olaylar yaşanıb. Sportfm.az saytının əməkdaşının hadisə yerindən verdiyi məlumata görə, oyundan çıxan italyan azarkeşlərlə, "Qarabağ” fanatları arasında sözlü atışma davaya çevrilib. "Gənclik” metrosunun girişində yerləşən ticarət köşkünün qarşısında, qonaq komandanın azarkeşlərindən birinin ingiliscə komandamızın ünvanına söyüş söyməsi, kütləvi dava-dalaşa səbəb olub. Özünü hadisə yerinə çatdıran polislər "Qarabağ”ın "İmarət” fan-klubunun bir neçə üzvünü saxlayıb. Daha sonra florensiyalı azarkeşlər polis nəzarəti altında oranı tərk edib.