“Zirə” yeni mövsümün hazırlığına başlayıb. 

Sportfm.az xəbər verir ki, qəsəbə klubu Biləcəri Futbol Mərkəzində bir araya gəlib. Yeni transferlər - Elvin Məmmədov, Cavid Hüseynov, Elvin Camalov, Nicat Süleymanov və Boyan Zaqoviç də kollektivə qoşulub.

"Zirə"nin hazırlığı 2 mərhələdən ibarətdir. İlk mərhələ iyulun 19-u bitəcək. “Qartallar” bu müddətdə 4 yoxlama oyunu keçirəcək.

Komanda iyunun 29-da “Qəbələ”, iyulun 6-da “Sabah”, 13-də isə “Keşlə” ilə qarşılaşacaq. İyulun 19-daki rəqibin kimliyinə isə hələ aydınlıq gəlməyib. 

Hazırlığın 2-ci hissəsi isə Türkiyənin Bolu şəhərində olacaq. “Zirə” 20 iyul – 4 avqust aralığında qonşu ölkədə təlim-məşq toplanışında olacaq. Samir Abasovun komandası burada da 4 yoxlama oyunu keçirəcək. Qarşılaşmalar 23, 26, 30 iyul və 3 avqust tarixlərində nəzərdə tutulub.

Oxşar xəbərlər

"Zirə" "Adana Dəmirspor"a uduzdu

"Zirə" yerli klublarla görüşəcək - Hazırlıq planı məlum oldu

"Sabah" Super Liqa klubu ilə qarşılaşacaq

"Zirə" Türkiyə klubu ilə qarşılaşacaq

"Sabah" Türkiyəyə yollanır