Azərbaycan Xarici İşlər Nazirliyi (XİN) UEFA-nın "Arsenal" futbol klubunun emənistanlı futbolçusu Henrix Mxitaryanın Azərbaycan vizası almasına dəstək verməyə hazır olması məsələsinə münasibət bildirib. 

Sportfm.az xəbər verir ki, Azərbaycan XİN-in mətbuat xidmətinin rəhbəri Leyla Abdullayeva yeniavaz.com-un sorğusuna cavab olaraq bildirib ki, idman siyasətdən kənardır. XİN-dən deyiblər: "Sorğunuza cavab olaraq bildirmək istərdik ki, idman siyasətdən kənardır". 
"Arsenal" Bakıda keçiriləcək Avropa Liqasının finalına vəsiqə qazanacağı halda UEFA Azərbaycan vizasının alınmasında erməni futbolçuya dəstək göstərməyə hazır olduğunu bəyan edib:  "UEFA üçün oyunçulara vizaların alınması məqsədilə assosiasiyalara, klublara və ya səfirliklərə dəstək məktubu göndərmək və onlara UEFA matçlarında iştirak imkanını vermək standart prosedurdur".

Oxşar xəbərlər

"Arsenal"ın Bakıdakı təxribatının qarşısı alındı

Elxan Məmmədov: "Mxitaryan Bakıda oynamaq hüququna malikdir"

"Arsenal" Mxitaryanı Bakıya gətirmir - Açıqlandı

Henrix Mxitaryan Bakıya gətiriləcək?

UEFA-dan Mxitaryana dəstək