Futbol üzrə Latviya çempionatında 10-cu turun oyunları keçirilib. 

Sportfm.az xəbər verir ki, azərbaycanlı futbolçular – Vüqar Əsgərov, Elvin Sərkərov və Tural Bayramlının formasını geyindiyi “Dauqavpils” də növbəti matçına çıxıb. 

Sözügedən kollektiv səfərdə “Metta” ilə üz-üzə gəlib. Futbolçularımızın komandası bu oyundan qələbə ilə ayrılıb - 1:0. 

Azərbaycanlı futbolçulardan ikisi – Vüqarla Tural da bu matçın iştirakçısı olub. Onlar start heyətdə meydana çıxıblar. 

Əsgərov sonadək oynadığı halda, Bayramlı 43-cü dəqiqədə əvəzlənib. Elvinin adı isə ümumiyyətlə bu matçın iştirak ərizəsinə daxil edilməyib. 

Bu mövsüm vurduğu 5 qolla Latviya çempionatının bombardiri olan Əsgərov bu dəfə də fərqlənə bilməyib. 

“Dauqavpils” hazırda 13 xalla 9 komanda arasında 4-cü pillədə qərarlaşıb.

Oxşar xəbərlər

Əsgərovun komandası qalib gəldi

Bayramlı oynadı, "Dauqavpils" məğlub oldu

Azərbaycanlı futbolçunun komandası 15 qol vurdu

Əsgərov fərqlənə bilmədi, komandası məğlub oldu

Əsgərovun komandası xal itirdi