Futbol üzrə Latviya çempionatında 4-cü turun oyunları keçirilib.

Sportfm.az xəbər verir ki, azərbaycanlı hücumçu Vüqar Əsgərovun formasını geyindiyi “Dauqavpils” də növbəti oyununa çıxıb.

Sözügedən kollektiv doğma meydanda “Metta/LU” ilə qarşılaşıb. Futbolçumuzun komandası bu oyundan qələbə ilə ayrılıb – 4:2.

Vüqar da bu oyunun iştirakçısı olub. Millimizin sabiq forvardı 69-cu dəqiqədə meydana buraxılıb. Cari mövsümdə bir qol vurmuş Əsgərov bu oyunda fərqlənə bilməsə də, 90-cı dəqiqədə aldığı sarı vərəqə ilə diqqət mərkəzinə düşüb.

Dörd turdan sonra 6 xalı olan “Dauqavpils” 10 kollektiv arasında 7-cidi.