Azərbaycanın sərbəst güləşçisi Cəbrayıl Həsənov Rumıniyanın paytaxtı Buxarestdə keçirilən Avropa çempionatında qızıl medal qazanıb.

Sportfm.az xəbər verir ki, buna səbəb 79 kq çəki dərəcəsindəki təcrübəli pəhləvanın finalda güləşəcəyi rəqibi Rusiya təmsilçisi Ahmed Hacımaqomedovun zədəli olmasıdır. Həkimlər 29 yaşlı idmançının yarımfinalda aldığı zədə üzündən həlledici görüşə çıxmasına icazə verməyiblər.

Daha əvvəl Həsənov 2010 və 2011-ci illərdə də Avropa çempionu olub.

Qeyd edək ki, bu gün Azərbaycanın daha iki sərbəst güləşçisi final görüşünə çıxacaq. Hacı Əliyev (65 kq) və Ağahüseyn Mustafayev (70 kq) müvafiq olaraq türkiyəli Selahəttin Kılıcsallayan və Mustafa Kaya ilə üz-üzə gələcək. 57 kq çəki dərəcəsindəki Mahir Əmiraslanov bürünc medal görüşündə fransalı Zuheyir Əl Orajı, 97 kq-dakı Nurməhəmməd Hacıyev isə Makedoniya təmsilçisi Məhəmmədhacı Nurovu sınağa çəkəcək.

Oxşar xəbərlər

Avropa çempionatında 4 medal şansı

Azərbaycan millisi Avropa çempionatında üçüncü oldu

Əliyev Avropa çempionu oldu

Güləşçilərimiz Avropa çempionatında mübarizəyə qoşulur

Buxarestdə güləş üzrə Avropa çempionatı start götürdü