Slovakiyanın paytaxtı Bratislavada aerobika gimnastikası üzrə “Açıq Slovakiya Çempionatı” öz işinə yekun vurub.

Sportfm.az xəbər verir ki, 15 ölkədən idmançıların qatıldığı turnirdə ölkəmiz fərdi, qarışıq cütlük, üçlük və qrup çıxışlarında təmsil olunub. Millimizin üzvləri Mədinə Mustafayeva, Nərminə Hüseynova, Balaxanım Əhmədova, Vladimir Dolmatov və İmran İmranovun qrup proqramında icra etdikləri performans onlara yarışların qızıl medalını (19.344) qazandırıb.

Gimnastlarımızın daha  bir  uğurlu çıxışı isə üçlük proqramında olub. Emil Quliyev, Elçin Məmmədov və V. Dolmatov 19.800 xalla turnirin gümüş medalına da sahibləniblər.

Qarışıq cütlükdə igimnastlarımız İmran və Mədinə 6-cı, fərdi çıxışlarda Elçin 5-ci, Nərminə isə 7-ci yerlə turniri başa vurublar.

9-11 yaşlı gimnastların mübarizəsində isə yeganə təmsilçimiz Məryam Topçubaşova fərdi proqramda çıxış edərək, qızıl medal qazanıb. Məryamın çıxışı hakimlər tərəfindən yüksək qiymətləndirilərək, 32 idmançı arasında 1-ciliyə layiq görülüb.

Oxşar xəbərlər

Azərbaycan gimnastları 3 növdə final - Dünya çempionatı

Bu gün gimnastlarımız 4 növdə çıxış edəcək - Dünya çempionatı

Bakıda dünya çempionatı başlayır - Aerobika gimnastikası

Azərbaycan gimnastları və azarkeşlərindən möhtəşəm himn ifası - VİDEO

Yığmamız Avropa Çempionatında finala çıxdı - BÖYÜK UĞUR