Milli Gimnastika Arenasında aerobika gimnastikası üzrə 11-ci Avropa Çempionatının final mərhələləri baş tutub. 

Sportfm.az xəbər verir ki, Azərbaycanın böyüklərdən ibarət komandası “aero dans” proqramında mükəmməl çıxış nümayiş etdirərək, Avropa çempionluğunu əldə edib. 

Elçin Məmmədov, Ayxan Əhmədli, Balaxanım Əhmədova, Nərminə Hüseynova, Nigar İbrahimbəyli, İmran İmranov, Akif Kərimli və Mədinə Mustafayeva fəxri kürsünün ilk pilləsinə 17.800 xalla yüksəliblər. 

Komandamızın üzvləri azarkeşlərlə bərabər Dövlət Himnini fəxr hissi ilə səsləndiriblər. 

Böyük gimnastlarımızın digər final çıxışı isə qrup komandaları arasında olub. 

Təmsilçilərimiz (Balaxanım Əhmədova, Vladimir Dolmatov, Nərminə Hüseynova, İmran İmranov, Mədinə Mustafayeva) bu kateqoriyada, 19.738 xalla qitə birinciliyini 7-ci yerdə başa vurublar. 

Çempionatın son günü, yeniyetmə gimnastlarımız da öz güclərini bir daha sınayıblar. 

Aysel Aslanzadə, Xədicə Quliyeva, Lalə Quliyeva, Fatimə Qurbanova, Emiliya Mahmudova və Eleonora Yusifovadan ibarət gənc komandamız “aero dans” proqramında çıxış edərək, finalda 7-ci yerdə qərarlaşıblar.

Oxşar xəbərlər

Bakıda dünya çempionatı başlayır - Aerobika gimnastikası

Azərbaycan yığması Avropa çempionu oldu

Aerobika gimnastikası üzrə 11-ci Avropa çempionatının final mərhələsi start götürdü - FOTO

Azərbaycan Avropa Çempionatında qruplar arasında finala yüksəldi

Yığmamız Avropa Çempionatında finala çıxdı - BÖYÜK UĞUR