Özbəkistanın "Novbahor" komandasının sabiq baş məşqçisi İlhom Muminjanov danışılmış oyunlarda iştirakı səbəbindən 5 il müddətinə diskvalifikasiya edilib.

Sportfm.az xəbər verir ki, Muminjanov 50 milyon sum (təqribən 10 min manat) məbləğində cəriməyə də məruz qalıb. O, qeyri-qanuni əməllərə 2017-ci ildə əl atıb.

Yalan ifadə verərək, Etika Komitəsini aldatmağa cəhd edən "Surxan"ın texniki direktoru Şerzod Şaripov və üzrlü səbəb göstərmədən iclasa qatılmayan komandanın kapitanı İlşod Jabbarov da futbol fəaliyyətindən kənarlaşdırılıb.

Qeyd edək ki, İlhom Muminjanov bu il "Surxan"a rəhbərlik edib. Lakin araşdırmalar başlanıldıqdan sonra o, işindən kənarlaşdırılıb. 

Oxşar xəbərlər

7 oyunçu futboldan uzaqlaşdırıldı - Qərar

6 futbolçu və 2 kluba danışılmış oyuna görə cəza - Moldovada

"Keşlə"nin keçmiş məşqçisi Ermənistanda ömürlük cəza aldı

UEFA onları 10 il avrokuboklardan qovdu

AFFA 2 klubu çempionatdan kənarlaşdırdı, hakimə ömürlük cəza verdi